Líf og sál er viðurkenndur þjónustuaðili Vinnueftirlitsins frá 2003. Sálfræðingar Lífs og sálar hafa vottun Vinnueftirlitsins sem viðurkenndir þjónustuaðilar í vinnuvernd.
Þjónusta okkar
Forvarnir á vinnustöðum
Eitt meginmarkmið Lífs og sálar er að stuðla að heilbrigðri vinnustaðamenningu á Íslandi. Við aðstoðum fyrirtæki og stofnanir við að viðhalda og byggja upp jákvæða menningu á vinnustöðum, með áhættumati, fræðslu, ráðgjöf við stjórnendur og handleiðslu fyrir starfshópa.
EKKO – forvarnir og viðbrögð
Á 25 árum hefur Líf og sál öðlast mikla þekkingu og reynslu af úttektum, úrvinnslu og forvörnum vegna samskiptaerfiðleika, eineltis og áreitni á vinnustöðum. Við aðstoðum við viðbragðsáætlanir, úttektir, vinnustaðagreiningar, fræðslu, sáttamiðlun og handleiðslu.
Sálfræðiviðtöl – einstaklingsþjónusta
Sálfræðingar Lífs og sálar hafa mikla reynslu af sálfræðilegri meðferð fullorðinna við ýmiss konar vanda og sinna einnig stuðningi og ráðgjöf eftir áföll eða vegna annars sem upp kemur í lífinu.
Vinnustaðagreiningar og áhættumat
Vinnustaðagreining og áhættumat eru leiðir til að meta og greina sálfélagslega áhættuþætti í starfsumhverfinu. Upplýsingarnar sem þannig fást sýna hvar vinnustaðurinn stendur varðandi starfsánægju, samskipti, álag og streitu, vinnustaðamenningu og stjórnun.
Mannauðsráðgjöf og stjórnendahandleiðsla
Stjórnendahandleiðsla og mannauðsráðgjöf geta bæði verið veitt tímabundið vegna tiltekinna mála eða verkefna, eða sem liður í starfsþróun yfir lengri tíma. Við bjóðum handleiðslu og ráðgjöf fyrir stjórnendur og starfshópa og einstaklingshandleiðslu fyrir starfsfólk.
Sáttamiðlun innan vinnustaða
Sáttamiðlun innan vinnustaða er sérsvið innan sáttamiðlunar. Hún er gagnlegt úrræði þegar starfsfólk er tilbúið að leggja sitt af mörkum til að breyta erfiðum samskiptum með aðstoð utanaðkomandi aðila.
Hvernig getum við aðstoðað?
Fyrir vinnustaði
Forvarnir, áhættumat, vinnustaðagreiningar, úttektir í EKKO-málum, sáttamiðlun, stjórnendahandleiðsla og fræðsla, sniðin að hverjum vinnustað.
Fyrir einstaklinga
Sálfræðingar stofunnar sinna meðferð og ráðgjöf fyrir fullorðna, meðal annars vegna kvíða, þunglyndis, streitu, kulnunar og áfalla.
Í bráðum vanda
Hafðu samband við bráðamóttöku geðdeildar í síma 543 4050 eða hringdu í 112. Píetasíminn (552 2218) og Hjálparsími Rauða krossins (1717) eru opnir allan sólarhringinn.
Á döfinni
Allir viðburðir →
Úr umsögnum þátttakenda á vinnustofum
Reykjavíkurborg
„Námskeiðið var virkilega gagnlegt fyrir okkur hjá Reykjavíkurborg og hefur nýst okkur við uppfærslu á okkar stefnu og verklagi. … Mæli algjörlega með þessu námskeiði fyrir mannauðsfólk.“ Ásta Bjarnadóttir, skrifstofustjóri á skrifstofu mannauðs- og starfsumhverfissviðs hjá Reykjavíkurborg.
Háskóli Íslands
„… Aðferðarfræðin á námskeiðinu hefur reynst okkur vel í starfi og hefur hjálpað okkur við skilgreiningar á hugtökum, koma orði á óæskilega hegðun og hefur verið notuð í vinnu með stjórnendum.“ Ragnhildur Ísaksdóttir, sviðsstjóri mannauðssviðs hjá Háskóla Íslands.
Isavia
„… Við hjá Isavia höfum þegar nýtt okkur það sem fram kom á námskeiðinu til að styrkja okkar vinnubrögð og ferla, með það að markmiði að skapa heilbrigt og öruggt vinnuumhverfi fyrir starfsfólk okkar.“ Helga María Finnbjörnsdóttir, mannauðsráðgjafi hjá Isavia.
Algengar spurningar
Skráðu þig á póstlistann
Fáðu fréttir af vinnustofum, námskeiðum og nýjum greinum frá Lífi og sál.
Stofan okkar
Notalegt og öruggt umhverfi á Suðurlandsbraut 24
Staðsetning
Hafa samband
Hafðu samband og við svörum eins fljótt og auðið er.