Í apríl 2000 stofnuðu þau Einar Gylfi og Þórkatla fyrirtækið ÞEL sálfræðiþjónustu ehf. Árið 2004 breyttu þau nafninu í Líf og sál sálfræðistofa ehf.  Auk hefðbundinnar sálfræðimeðferðar hefur fyrirtækið lagt áherslu á þjónustu við starfshópa og vinnustaði, einkum í formi fræðslu og ráðgjafar. Í dag starfa 4 sálfræðingar hjá Lífi og sál, auk ritara.

Mánudaginn 3. nóvember næstkomandi mun Líf og sál flytja starfsemi sína úr Pósthússtræti 13 á Fiskislóð 75. Fiskislóðin er ein af nýju götunum úti á Granda og liggur samhliða Grandagarði. Nýjar verslanir Krónunnar og Bónuss standa við götuna. Leið 14 stoppar við Grandakaffi og þaðan er stutt ganga að Fiskislóð 75.